Dál váidet Norgga boazoeiseválddiid

Sarevuomi čearu guorbmebiila jorggihuvvui Gilbbesjávrri tuollostašuvnnas, muhto boazodoallit eai loga ášši dasa nohkan.

Svensksamer stoppet på Kilpis
Foto: Arild Moe/NRK

Ruoŧabeal badjeolbmot, Sarevuomi čerrui gullevačča, geaid tuollárat bissehdje lávvardateahkeda Gilbbesjávrris, Norgga ja Suoma tuollostašuvnnas, eai vuollán.

Bissehdje biillaid

Tuollárat bissehdje guorbmebiillaid mat ledje geaseheamen bohccuid Norgi, geasseorohahki. Sarevuomi čearu olbmot ledje doalvumin bohccuid Ávgolatnjárggi, gos ii leat lohppi guođohit.

Tuollárat bissehedje billaid ja norgga boazopolitiijá maid bođii tuollostašuvdni, nu jorggihedje guorbmebiillaid ja boazodoallit máhce fas ruŧŧii.

- Ášši ii noga dása, lohká ruoŧabeal badjeolmmoš Ulf Bergdahl, gii lohká áigut váidit Norgga boazoeiseválddiid.

  • GULDAL OLLES ÁŠŠI DÁS:

Oanehaččat

  • Soitet fertet sirdit rádjeáiddi

    Oassi dan ođđa riikarájiáiddis mii lea Storskogas,sáhttá leat huksejuvvon moadde centimehtera beare láhkka Ruošša. Dat mearkkaša ahte measta 50 mehtera áiddis ferte sirdojuvvot. Norgga rádjeovddasteaddji fuobmái dán hástalusa bearjadaga, dieđiha The Independent Barents Observer áviisa. Justiisadepartemeanta oaivvilda ahte leat geargan bargamis ja ahte áidi ja uksa lea sajis gaskamuttus golggotmánu.

  • Álgoálbmogat vuosttaldit ovttas

    50 álgoálbmot čeardda, miehtá Davvi Amerihkká, ledje duorastaga čoahkkanaddan čállit vuollái nannánviidosaš gáibádusa mii galggašii heađuštit oljosáddo doaimmaid viidáneamis sin árbevirolaš guovlluin, čállá nationalobserver.com.

    Dát ovttasbargu, mii seamma áiggis dohkkehuvvui sihke Quebec gávpogis ja British Columbias, galggašii bissehit buot árvaluvvon oljobohcciid, táŋka - ja toga prošeavttaid mat sáhttet váikkuhit álgoálbmogiid juhkančáhcái.

Laster Twitter-innhold