NRK Meny
Normal

Dál boahtá vuosttaš sárggosfilbmaráidu mas áborigiinnat leat sáŋggárat

«Little J and Big Cuz» lea namma Australija vuosttaš animerejuvvon filbmaráidu mas áborigiinnat leat sáŋggárat.

Little J and Big Cuz, Australsk animasjonsfilm

Dáidda áborigiinnaide besset australiijalaččat oahpásmuvvagoahtit dakkaviđe maŋŋá beassážiid. NITV dat sáddegoahtá dalle sárggosfilbmaráiddu.

Foto: NITV

Vuosttaš oassi «Little J and Big Cuz» sáddejuvvo NITV:s maŋŋá beassážiid. Ráidu lea dat vuosttaš mas Australiija eamiálbmogat ja sin kultuvra leat guovddážis.

Neavttár Deborah Mailman lea vuoitán bálkkašumiid neavttašeami ovddas ja son lea jienas luoikan Big Cuz-karakterii, ja son lea hirbmat duhtavaš go filbmaráiddus oidnojit áborigiinnaid ássanguovllut ja máŋggalágán olbmot.

– Danne lea mánáide, beroškeahttá orrutgo gávpogis dahje boaittobeale báikkis, hirbmat vuogas oaidnit olbmuid geat leat sullalágánat go ieža, lohká Mailman australiijalaš ođasneahttasiidui abc.net.