Dákkár hárjehallamat lassánit davvin

Stáhtabušeahtas evttohuvvo lasi ruhta suodjalusa hárjehallamiidda Davvi-Norggas. Nu almmuhii Ovddádusbellodaga njunuš ja Finánsaministtar Siv Jensen lávvordaga.

HV Skutere og stridsvogner

Báikkálaš soalddáhat galget nannet sin suodjalusgelbbolašvuođa. Ráđđehus áigu ruhtadit lasi hárjehallamiid Finnmárkkus. Govas oaidnit Heimevern-soalddáhiid hárjehallamen Romssas.

Foto: Rolf Kulseng Ytterstad / Heimevernets pressesenter
Siv Jensen

Ovddádusbellodaga jođiheaddji Siv Jensen lohká Ráđđehusa áigut nannet militeara dustehusa davvin. Danne fertejit soalddáhat eanet hárjehallat.

Foto: Vidar Ruud / NTB scanpix

– Ii leat nu áddemis ahte Norga dál lea njulgestaga áitojuvvon, muhto mii fertet váldit duođas rievdadusaid min lagaš rádjaguovlluin, logai Ovddádusbellodaga njunuš Siv Jensen bellodaga riikačoahkkimis Gardermoenis odne.

Sártnistis riikačoahkkimii son dál juo dieđihii ahte čakčat go Ráđđehus almmuha iežas stáhtabušeahttaevttohusa, de áigot vuoruhit lasi ruđaid militeara doaimmaide davvin.

Earret eará lohpida son ruđaid buot Ruovttusuodjalus ossodagaide ( Heimevernet) Finnmárkkus, vai besset hárjehallat eanet.

Stuorát oktasaš suodjalushárjehallan Romssas ja Finnmárkkus galgá maid čađahuvvot.