Nu dadjá badjenisu gii ieš leamaš mielde meannudeamen Finnmárkko badjeolbmuid boazo geahpedeami.
65.000 kruvnna mánnui jus eaba njuova
Berit Marie Eira ja isit leaba ožžon breava stáhtas. 65.000 kruvnno mánnui gártaba máksit jus eaba njuova dan muddui maid Eanandoalodepartemeanta lea mearridan.
Áitá garra sáhkuiguin
Eanandoaloministtar Sylvi Listhaug áitá garra sáhkuiguin. –Boazologu heiveheapmi leamaš oppa áigge badjeolbmuid duohken, muhto go eai dahkan dan maid galge, de stáhta ferte bidjat bággodoaimmaid johtui, dadjá Listhaug.
Vuosttildan boazologu geahpedeami vuogi
Berit Marie Eira gii ieš lea boazodoalostivrras lea vuosttildan boazologu geahpedeami vuogi jo álggu rájes. Ná vástida son ministara cealkámuššii: –De leamaš máŋga jagi vejolašvuohta geahpedit boazologu, sin plánaid mielde, daid loguide maid sii leat mearridan. Muhto de lea maid nu ahte boazodoallu lea ieš bidjan plánaid, iešmearrideami vuođul, nugo lágasge čuožžu. Ja go stáhta ii dohkket dan, de ii leat boazodoalluge dohkkehan sin proseassa.
Guldal ášši: