Normal

Dáiddoahppu somá, muhto attášgo oahppu eallinláibbi

Nuorra nieida ráhkista njuohtat govaid, sárgut ja ráhkadit smávva bácciid, muhto de ii dieđe attáš go dát oahppu sutnje eallinláibbi. Su skuvllaskihpár áigu dušše ealáhagas buđaldit dáiddalaš bargguiguin.

Lisa Maria Kristin Boine dáidda

Dás lea Lisa Maria Kristin Boine njuohtan gova mas čájeha mo čuovga návetglásas čuvgeha heastta olgun seavdnjadasas

Foto: Anne Olli

( Vuolimusas dán siiddus lea jietnafiila mas gulat olles ášši)

Lisa Maria Kristin Boine

Lisa Maria Kristin Boine ii dieđe šaddá go son dáiddárin vai ii.

Foto: Anne Olli

Lisa Maria Kristin Boine ii livčče eahpidange makkár oahppu livččii váldán jos livččii diehttin áibba sihkkarit ahte dáiddárin livččii tiinnen ellinláibbi. Go dáiddaoahppu lea miellagiddevaš, son duođas návddaša dáiddalaš bargguid.

Ravalmuotkis Davvi Romssas dat lea várri maid Lisa Maria Kristin lea málen. Dieppe son lea orron ja oaidnán dan vári das gievkkanglásas. Lisa Maria Kristin Boine lea nuorra nieida gii ii vuos dieđe makkár ohppui álggášii maŋŋil go dáiddaskuvlla oahppojahki nohká.

Lisa Maria Kristin Boine govva váris maid oaidná go geahčča gievkkanglásas Rávalmuotkis Davvi Romssa

Lisa Maria Kristin Boine govva váris maid oaidná go geahčča gievkkanglásas Rávalmuotkis Davvi Romssa

Foto: Anne Olli

Kárášjoga Dáiddaskuvllas ohppet dáiddabargguid vuođu rájes

Dáiddaskuvllas leat oahppit bargamin govaiguin maidda maid čállet teavsttaid. Jurdda lea čájehit Kárášjoga njeallját luohkká mánáide govaid ja vel lohket teavsttaid maid leat čállán.

Makkár dáidagiin dal barggašit, de ohppet sii visot vuođu rájes. Buot bealit čilgejuvvojit, oahpeheaddjin leat oahppan dáiddárat.

Else Marie Isaksen

Else Marie Isaksen áigu ieš okto buđaldit dáiddalaš bargguin ealáhagas. Son áigu dušše dán jagi lea dáiddaskuvllas oahppin

Foto: Anne Olli

Else Marie Isaksen lea álgán skuvlii oahppat tevdnet, njuohtat ja ráhkadit bácciid. Ja leage dál bargamin bácciin. Iežas muitala bures lihkostuvvan olbmo rupmašin, álggos galge vuos tevdnestit olbmo, ja de dan vuođul ráhkadit bácci.

Else Marie Isaksena dáidda

Dá lea dáidda maid Else Marie Isaksen lea ráhkadeamen

Foto: Anne Olli

Else Marie Isaksen lea maid kárášjohkalaš. Iežas muitala leat ealáhagas, dakkár AFP ealáhagas, mii mearkkaša ahte lea heaitán barggus ovdal go devddii 67 jagi. Dál návddaša eallima, bargá justa dan maid hálida. Danne álggii maid oahppin Kárášjoga Dáiddaskuvlii.