NRK Meny
Normal

Miellegiddevaš dáiddáčájáhusat

Gjert Rognli ja nubbi eará sámi dáiddár leat mielde stuorra dáiddačájáhusas Oslos. Ja dán vahkkoloahpa čájehuvvojit dovddus dáiddára govat vuosttaš geardde Norggas.

Gjert Rognli "Bak sølvviddene"

Sámi dáiddamáilmmis dáhpáhuvvá olu dán áigái, sihke dáppe davvin ja Mátta-Norggas.

Guokte sámi dáiddára

Boahtte gaskavahku miessemánu viđádis rahppo stuorra dáiddačájáhus Našonálagalleriijas Oslos, gos leat mielde guokte sámi dáiddára, namalassii Liisa Tellervo Helander ja Gjert Rognli. Soai leaba maid mielde dáiddariemuin ”Oslo Open” mii oaivegávpogis lágiduvvo miessemánu 11. gitta 13. beaivái. 

Sámi duogáš vuhtto

 

 

Liisa Tellervo Helander "Eatni gillámušat"

 Liisa Tellervo Helander lea bajásšaddan Roavvesavvonis, Davve-Suomas. Dál son orru Oslos ja doppe son bargá dáiddárin ja grafalaš hábmejeaddjin. Govaidis Tellervo Helander njuohtá akrylateknihkain ja govain vuhtto čielgasit su sámi duogáš.

Filbmadáiddár

Gjert Rognli lea dovddus oanahisfilbma- ja dáiddafilbmaráhkadeaddji. Son bargáge sihke govaiguin (foto), videoin ja filmmain. Su čájáhus “Bak sølvviddene” lea čájehuvvon stuorra dáiddariemuin Troanddimis ja su filbma rámiduvvui maid Sámi filbmariemuin Guovdageainnus.

Vuosttaš geardde Norggas

 

 

Dag E. Nyberg "face it"

 Dag E. Nyberg lea Ruotas eret, muhto ássá Finnmárkkus. Su dáiddačájáhus mii rahppo Sámi Dáiddaguovddážis Kárášjogas ihttin lea su vuosttaš sierračájáhus Norggas. Su govat leat sihke abstráktalaš ja nonfiguratiivvalaš. Olu su govain vuohttit man láhkái subárktalaš luonddu jahkádagait molsašuvvet.