Čájáhus galgá leat Murmánskkas miessemánu 6.beaivve rájes miessemánu 30. beaivái Murmánskka Regionála Dáiddamuseas.Čájáhus galgá maid leat mielde čálmmustahttimin 20 jagi ovttasbarggu Finnmárkku fylkkagieldda ja Murmánska Oblásta gaska, muitala SVD dáiddakonserváhtor Irene Snarby
Sámiid Vuorkádávvirat servet
Váikke dal čájáhus leage ovddiduvvon jahkebeliin, de oaivvildit Sámiid Vuorkádávviriin ahte dása sii gerget rahkkanit. Buot dáidagat leat juo čohkkejuvvon ja dál leat dáid dáidagiid registreremin. SVD lea maid ráhkadan kataloga dáidagii mii lea golmma gillii dáru-, sámi ja ruoššagillii
Makkár dáidagat
Sámiid Vuorkádávviriid dáiddakonserváhtor Irene Snarby muitala olu dáidagiid sáddet Murmánskii. Govvendáiddár Fred Ivar Utsi Klemetsenas galgá sáddejuvvot govvačájáhus. Son lea mearrasápmelaš ja nuorran álggii son govvenapparáhtan čohkket dieđuid iežas kultuvrras. Son čuovui earet eará johttisámiid ja govvidii sin eallima.Arvid Sveen lea nubbi govvideaddji geas maid mannet moadde gova Murmánskka čájághussii.
"Jeg er en blomst" leages Hege Annestad Nilsena govvadáidda mii sáddejuvvo. Dát dáidda váldá ovdan rašis ja váttis fáttá, dás lea sáhka nálleteoriijas ja nálledutkamis. son čájeha govain dan aiggis go ránska ekspedišuvdna Bonaparte-ekspedišuvdna 1884:s jođii sámis ja dutkaid olmmoščearddaid. Mihtidedje sámiid oivviid, dan oaidnit Hege Annestad Nilsena govas.
Čielgadit merket
Sámiid Vuorkádávviriid dáidda konserváhtor Irene Snarby muitala alddiineaset leat olu barggu dál, go buot dáidagat mat Ruššii galget sáddejuvvot, dain galget leat rivttes mihttut ja rivttes deaddu. Buot galgá leat justa.Dál leat muhtin dáidagat juo páhkkejuvvon, dát leat juo gergosat sáddejuvvot Murmánskii Ruššii.