Hopp til innhold

Dáhttu lea gieldit Johauga

VG čállá ahte norgga Antidopen áššáskuhttinlávdegotti dáhttu lea gieldit Therese Johaug oassálastimis buot valástallamiin 14 mánnui. Nu duođašta lávdegoddi preassadieđáhusas odne, ja dáhtošedje su ná ráŋggáštuvvot: "Therese Johaug ii beasa oassálastit gilvvuide ja organiserejuvvon hárjehallamiidda, ja son ii sáhte válljejuvvot dahje nammaduvvot luohttámušdoaimmaide 14 mánnui, ja ráŋggáštus doaibmagoahtá golggotmánu 18.beaivve rájes.

Korte nyheter

  • Ráhkkaneame ČSV ávvudeapmái Sirbmás

    Lávvordaga lágiduvvo ČSV ávvudeapmi Sirbmá gilivisttis. 50 jagi áigge lei girjeseminára Sirbmás, ja das buollái ČSV-doaba. Dan muitala Katri Somby, gii lea oassi lágidanjoavkkus.

    – Mii leat olu ollašuhttán 50 jagis. Dál mii áigut dan ávvudit. Dasa lassin háliidit čalmmustahtit vuoras olbmuid, min ovdavázziid, muitala son.

    Katri Somby. Duogážis oidnojit govat vuosttaš ČSV-semináras 50 jagi áigge. Dasa searvvai maid Katri áddjá, Sombbi Aslat.
    Foto: Håkon Mudenia / NRK
  • Gávdne «elbiila-minerála» Biedjovákkis

    Arctic Minerals AB lea gávdnán muhtun sajiin máŋga duhát grámma kobolt juohke tonna nammi. Fitnodaga stivrra nubbijođiheaddji Krister Söderholm ii gohčot dán nu valljin, muhto goitge dadjá buori boađusin.

    Minerála lea dárbbašlažžan earret eará go elbiila litium-báhtterii buhtaduvvo. Fitnodat lea čađahan ohcamiid suoidnemánu ja sii jotket ohcamiid borgemánus maid.

  • Biila gáhtolássii gártan Kárášjogas 

    Heahteguovddážis leat vuolgán veahkehit biilla, mii lei vuodján badjel geainno riikkageainnus 92 gaskal Kárášjoga ja Suoma rájá. Bolesa dieđuid mielde biila lea gáhtolássii. Biilla golbma mátkkošteaddji eai leat roasmmohuvvan.