Dáhttu gulahallama sámiiguin

Oslo gielda dáhttu lagaš ja buori gulahallama sámiiguin geat ásset oaivegávpogis ja sii dihtet ahte gávpogii fárrejit dađistaga eanet sámit. Nu dat logai Oslo gávpotráđi njunuš, bargiidbellodaga Raymond Johansen Sámeálbmotbeaivve. Lávvardaga vuolláičálii son Oslo gávpotráđi beales ovttasbargošiehtadusa Sámedikkiin. Mihttun lea ulbmil nannet bálvalusaid gávpotsámiide.