NRK Meny
Normal

Dáhttu bissehit oljoplánaid

Sámediggepresideantta Egil Olli mielas ferte Statoil Hydro čuovvut olgoriikkas seamma njuolggadusaid go Norggasge.

Egil Olli
Foto: Eilif Aslaksen / NRK

GULDAL: StatoilHydro ferte čuovvut njuolggadusaid

Alaska-inuihtat leat dáhtton sámiin veahki bissehit dáčča fitnodaga Statoil Hydro bohkamis oljju Čukčimearas davimus-Alaska jiekŋamáilmmis. Sin ášši áiguge Olli váldit ovdan go boahtte vahkus deaivvada Olgoriikkadepartemeanttain.

Jiekŋaguovllu oljodoaimmat sáhttet duššadit logi duhát inuihta birgejumi. Inuihtaid njunuš George Edwardson lea dáid beivviid leamaš Norggas geahččaleamen bissehit oljoplánaid mat leat Norgga stáhta eaiggáduššan oljofitnodagas.