NRK Meny

Dáhttu čavget olgoriikalaččaidlága

Stuorradiggi áigu čavget olgoriikalaččaidlága. Láhkarievdadeamit galget juo otná rájes doaibmagoahtit. Ráđđehus lea gohččon Stuorradikki hoahpus meannudit ášši dán vahkus, vai bissehit dorvoohcciid, geat eai dárbbaš suodjaleami, boahtimis Norgii Storskog bokte.

Dat addá Justiisadepartementii ja olgoriikalaččaidhálddašeapmái buoret bargoneavvuid ahte sáhttit jođáneappot máhcahit dorvoohcciid geat eai galgga ásaiduvvat Norgii, dadjá Fremskrittspartiet Jøran Kallmyr.