Dáhttot bissehit bággosteriliserema

Olmmošvuoigatvuohtajoavkkut ávžžuhit Kanáda eiseváldiid bissehit eamiálbmotnissonolbmuid bággosteriliserema, muitala The Guardian. Unnimusat 60 nissonolbmo leat searvan oktasaš diggeáššái Stáhta ja dearvvasvuohtabargiid vuostá. Bággosteriliseren lea dáhpáhuvvan moanaid jagiid gitta dálá áigái. Nissonolbmot gáibidit buhtadusa go sin olmmošlaš vuoigatvuođat leat rihkkojuvvon.