Hopp til innhold

Dáhtot buohcciviesu

Áltái berre ásahuvvot buohcciviessu, ávžžuha ovttajienalaš Álttá ovdagoddi.

Fra Sykehuset i Vestfold

Áltái dáhtošedje hukset buohcciviesu

Foto: Jan Gulliksen / NRK

Dál lea áigi árvvoštallat hukset sierra buohcciviesu maiddái Áltái, oaivvildii ovttajienalaš ovdagoddi ievttá čoahkkimis.

En gledens dag synes ordfører Geir-Ove Bakken

Álttá sátnejođiheaddji Geir Ove Bakken

Foto: Kita Eilertsen / NRK

Finnmárkkus leat jo buohcciviesut Hámmárfeasttas ja Girkonjárggas.

– Dál ii leat vel nu dehálaš makkár fálaldagat galggašedje ođđa buohcciviesus, vuos fertejit dahkat vuđolaš guorahallamiid, dadjá Álttá sátnejođiheaddji Geir Ove Bakken.

GULDAL: SÁVVET ÁLTÁI BUOHCCIVIESU

Doarju

Ovddádusbellodaga stuorradiggeáirras Jan Henrik Fredriksen doarju ollásit Álttá ovdagotti mearrádusa.

Jan-Henrik Fredriksen

Stuorradiggeáirras Jan Henrik Fredriksen

Foto: Thor Erling Brenne / NRK

– Go mii diehtit ahte stuorra oassi Finnmárkku ássiin orrut Álttás, lea sáhka 18.000 olbmos, de lea áibbas čielggas ahte doppe dárbbašit buohcciviesu, lohká Fredriksen.

Eai buohkat leat seamma oaivilis, Finnmárkkus eai sáhte eambbo go guokte buohcciviesu.

– Nuppi heaittihit

Dearvvašvuođa- ja fuolahusdepartemeantta stáhtačálli Roger Ingebrigtsen mielas lea eahperealisttaš ásahit ođđa buohcciviesu Áltái.

Roger Ingebrigtsen

Stáhtačálli Roger Ingebrigtsen

Foto: Bodil Kanebog / NRK

– Jus Áltái galggašii álggahit buohcciviesu, de fertešii heaittihit Hámmárfeastta dahje Girkonjárgga buohcciviesu, dovddaha Ingebrigtsen Altapostenii.

Digaštallan lea čuožžilan maŋŋel go Davvi Dearvvašvuohta plánegođii hukset ođđa buohcciviesu Hámmárfestii dahje Girkonjárgii. Davvi Dearvvašvuođa stivrajođiheaddji Bjørn Kaldhol ii loga Finnmárkui sáhttit hukset goalmmát buohcciviesu ja čujuha fylkka olmmošlohkui.

Bjørn Kaldhol

Davvi Dearvvašvuođa stivrrajođiheaddji Bjørn Kaldhol

Foto: NRK

– Lea áibbas ortnegis ahte Áltá sávvá ođđa buohcciviesu, muhto Davvi Dearvvašvuohta ii sáhte dahkat eará go dan maid Dearvvašvuođaministtar ja Stuorradiggi lea mearridan, lohká Kaldhol.

Publisert

Mer fra NRK Sápmi

Korte nyheter

  • Ođđasat - Davvisámegillii

    Seminára sámi mánáidgirjjálašvuođa birra: – Dá lea álgu sámi mánáid girjjiide

    Sámedikki girjerájus, Juoigiid searvi ja Norgga mánáidgirjeinstituhtta lágidedje odne rabas seminára sámi mánáid girjjálašvuođa birra Oslos.

    Girječálli Inga Ravna Eira, sámi girječálliid searvvis, lei okta dain gii čuovui seminára.

    – Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.

    Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.

    Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.

    – Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.

    Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.

    – Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.

    Ihttá bargobádjái lohká vuordit ahte dat geat galget doppe hállat doppe buktet árvalusaid muhto maid ahte sii ovttas galggašit gávnnahit juoidá.

    – Dá lea álgu sámi mánáid girjjiide, ja dás rájes de álget várra dahpahuvvot áššit, sávvamis.

    Inga Ravna Eira
    Foto: Iŋgá Káre Márjá I. Utsi / NRK
  • Ođđasat - Davvisámegillii

    Kártadoaimmahat dohkkeha Oslove – mieđihit iežaset ádden ášši boastut

    Kártadoaimmahat lea dál dattetge dohkkehan Oslove nama almmolaš máttasámegiel namman Norgga oaivegávpogii.

    – Mii dat leimmet boastut ádden. Gielda lei ožžon formálalaš rávvaga sámi báikenammanevvohagas maid lága mielde galget dahkat, lohká Kártadoaimmahaga ossodatjođiheaddji Helge Dønvold.

    Kártadoaimmahat šálloša go álggos dieđihedje gildii ahte namma ii dohkkehuvvo.

    Dál álgá Oslo gielda čalmmustahttit gávpoga sámi nama.

    – Lean hui ilus go dát manai bures ja go Oslo sámi namma dál lea almmolaččat dohkkehuvvon, lohká Oslo gávpotráđi njunuš, Eirik Lae Solberg.

    Gávpoga sámi namain sii dáhttot čájehit ahte atnet árvvus sámi kultuvrra, ja čájehit ahte Oslo lea buohkaid oaivegávpot, maiddái buot sámiid oaivegávpot, deattuha son.

    Oslo gieldda neahttasiiddus geavahišgohtet Oslove earret eará gávpoga logos, buohtalagaid gávpoga dárogiel namain.

    Ihtet maiddái áiggi mielde Oslove-geaidnošilttat. Gielda áigu muđuid vel árvvoštallat man láhkai buoremusat čalmmustahttet gieldda sámi nama.

    Oslove lea gávpoga namma máttasámegillii, ja dál juo geavahit sihke searvvit ja ásahusat dán sámi nama Oslos.

    Oslove-skilt på Samisk hus i Oslo.
    Foto: Mette Ballovara / NRK
  • Ådåsa - Julevsábmáj

    Fálli nåvkå varresvuohtakontrållåv

    Dån guhti årru Hábmera suohkanin ja la 40 ja 79 jage gaskan oattjo dal varresvuohtakontrållåv tjadádit masta i dárbaha majdik mákset.

    Vuoratjismáno 29. biejve álggá Saminor3-guoradallam Hábmera suohkanin, ja vihpá gitta ájgen moarmesmáno 14. bæjvváj.

    Guoradallama åvddåla gåhttju Hábmera suohkan ja Saminor3 álmmuktjåhkanibmáj, mij tjadáduvvá uddni vuoratjismáno 25. biejve sebrudakvieson Ájluovtan kl. 17.00 ja Hamsunguovdátjin kl. 20.00.

    Danna Hábmera suohkan galggá subtsastit manen Saminor3 la ájnas gájkajda suohkanin, ja guoradalle galggi subtsastit sisano birra viesátguoradallamin – manen Saminor3 guovte vahko duogen suohkanin sierra varresvuodastasjåvnåv rahpá.

    Vihttalåk suohkana li maŋen Saminor3:n.

    Bilde av faglig leder for Saminor 3-undersøkelsen, Ann Ragnhild Broderstad, foran Saminor-bussen.
    Foto: Solveig Norberg / NRK

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen