Kárášjoga gielddas lea lávdegoddi bargamin áššin, muhto lea vuos ain plána dásis, dadjá várresátnejođiheaddji, John Nystad. Son muitala ášši stáhta bealis vuolgán jo 2004s, dálle sáddejuvvui Kárášjoga gildii áigumuščálus, ahte sáhttá go gielda leat mielde ásaheames álbmotmeahcceguovddáža.
Muhto go ášši gieđahallojuvvui gielddastivrras jagi 2009s, de dahke sii mearrádusa vuostaldit dáid plánaid.
– Sivvan manne dalle vuostaldeimmet lei go Norgga stáhtas lei áigumuš viiddidit bajit Anárjogas álbmotmeahcci. Muhto jagis 2015 celkkii stáhta ahte dattetge eai viiddit Anárjoga álbmotmeahcci, ja nu leatge sii gielddabeales gieđahallan ášši. Geassemánus mannan jagi dat gielddastivra celkkii ahte lea dáhttu ođđasis geahčadit ášši, ja nu maid ásahit álbmotmeahcceguovddáža Kárášjohkii, várresátnejođiheaddji muitala.
- Loga maid:
- Loga maid:
Nammadit stivrra
Seammás lea maid stáhta bealis boahtán gáibádus ahte Anárjohgierraga álbmotmeahcci várás galggašii stivra nammaduvvot, ja juovlamánus konstituerejuvvot.
– Áirasat stivrii galget leat Kárášjoga gieldda, Guovdageainno suohkana, sámedikki ja Finnmárkku fylkagieldda bealis. Go stivra lea ásahuvvon, de lea dat vuosttaš lávki dán ášši oktavuođas. Ja man láhkai dát stivra de meannuda Álbmotmeahcceguovddáš ášši viidásat, de leaš oaidnit, dadjá John Nystad.
Sámi guovddážis
Anárjohgierraga álbmotmeahcci lea sámi guovddážis ja dan maid sii dáhtošedje leat profiilan dákkár guovddážis lea ahte sámevuohta boahtá čielgasit ovdán, omd. vuhtiiváldit guovllu kultuvrra, ahte bargit hálddašit sámegiela ja máhttet ovddidit guovddáža áigumušaid ja dieđuid sámegillii.
- Guldal olles jearahállama dás: