Maahta årrodh, gie mij sæjhta gïehtjedidh mejtie fylhketjïelten daatasysteme dååhkesje. maahta aaj årrodh, gie mij daam fylhketjïelten budsjedtem laajhta jallh gie mij faarhkoe laakan dåemede. Dah DDos edtjieh daam daatasystemem goerhpedehtedh.
– Mijjieh buektiehtemme daejtie heerreme. Ij leah mij vielie sjidteme. Stoerre tjoeperh mijjese sjidteme, dihte Noerhte-Trøøndelagen Fylhketjïelten IT- åejvie Sten Erik Hansen, Trøøndere plaerese jeahta.www.t-a.no/nyheter/article10338862.ece
Ij leah voestes aejkien.
Jaepien 2013 dellie aaj daatasystemem goerhpedehtin. Dellie straavvin muvhth skuvlelearohkh daam dorjeme. Dehtie miereste, IT-goevtese daam daatasystemem bueriedamme.
– Dagkeres dïeneskem, maehtieh gieh mah sijhtieh, liehties laakan dongkedh. Ibie daejrieh, gieh mah daam darjoeh. Stoerre barkoe jih daam heerredidh, ibie mijjieh ohtsedh, daejtie daata hackerh jallh dejtie mij dieneskem donkeme. Dihte geerve barkoe lea, Hansene jeahta.
– Daelie dallegh vueptiestibie jis gieh daatasystemem goerpedehteme. Daan mearan buektiedamme heerredidh, dihte IT-åejvie jeahta.
Ij maehtieh daata barkoem dassedh.
DDos, dihte dorje dihte daata systeme maahta såajmanidh jih jamhkelidh. Dah vihkeles daata fijlh baeniedåakteridie jih skuvle eksamenidie aajmone leah.
–Daate mijjien barkoem fïjnede. Nåake dihte aaj. Dihte mij lea buerie, ij mij gaarvenh, Hansene jeahta.