EllenSara Sparrok (17) Aarporteste båata. Sov tjidtjie lïeri satnem tjoejkedh gosse lij onne, jih dïhte lyjhkeme tjoejkedh dan mænngan. Daelie tjoejkemeskuvlesne Meråkersne vaadtsa. «Gosse tuhtjem dan soe luste, dle luste pryøvedh væjkele sjidtedh. Bøøremes!»
Dæjman skuvlesne Raanesne veedtsi, bene ij lij seamma goh Meråkersne. Byjresem lea buerebe Meråkersne, sov mielen mietie. «Mijjieh gellie daesnie, mij lea ektesne. Jih gellie mah sïjhtieh seamma» EllenSara jeahta.
Garre, gaske jih støøves
Jis edtja bøøremes sjidtedh, dellie hov tjuara saavredh. Jijnjh jih eensilaakan. EllenSara soptseste sjïere saavremesoejkesje åtna. Ij lea seamma abpe tijjiem, soejkesjemem lea juekeme: Garre, gaske jih støøves saavreme.
Gosse garre våhkoe utnieh, dle edtjieh gaske 18 jih 20 tæjmoeh våhkosne saavredh. Eejehtimmesne, vuesiehtimmien gaavhtan gosse gåatan vualka, dle tjuara aaj saavredh. Dellie sov jijtje soejkesjem dåerede. Manne ussjedem disiplijnem lea vihkeles. EllenSara tuhtjie aaj vihkeles almetjigujmie mah datnem eadtjaldehtieh.
Raerie jeatjabidie
Saavreme lea A jih O jis sæjhta bøøremes sjïdtedh, bene mijjieh daejrebe ahte gååvnese jeatjah tjaalestahkh aalfabetesne aaj.
Dïhte lea vihkeles lïegkestidh, byøpmedidh jih åeredh rïekteslaakan. «Tjuara damtedh dov jijtjes kråahpe», dïhte jeahta.
EllenSaran lohkehtæjja aervede 'Flexing' lea aaj buerie vuekie åejjiem saavredh gosse sæjhta buerebe sjidtedh. Mij amma 'flexing' dellie?
Numhtie vååjnoes gosse flexeminie.
Foto: Felicia Löfgren / NRK«Dellie datne edtjh gulmiedahken åvtelen tjåadtjodh jih vuesehth dov jijtje åedtjieh, jih vuejnedh man stoerre jih tjaebpies lea, vuejnedh man veaksehks datne leah! Dellie sneehpes tjuajka dan mænngan», EllenSara jeahta jih føørhkede.
Guvvie/tjoehpedimmie: Felicia Löfgren
