– Dasa leat ollu sivat, earret eará leat dáža doaluin stuorát oassi álddut, sii njuvvet misiid ja sis leat unnit boraspire vahágat, dadjá Norut Tromssa dutki Jan Åge Riseth.
Nu dat čilge Norut dutki, Jan Åge Riseth, dan go dáža boazodoallu Mátta-Norggas lea nu ollu eanet gánnihahtti go ovdamearkka dihte min boazodoallu dáppe davvin. Dáža boazodoalus lea áldduid oassi measta 80 proseantta, mii lea lagabui logádasa badjelis go sáme boazodoalus, čájehit Sámilogut muitalit nummar 7, maid Sámediggi almmuha.
– Mu mielas livčče davvi boazodoalus vejolaš lahkonit dákkár buvttadeami, muhto ii fal olahit ollásit, go luondu ieš hehtte ja dat politihkka mii fievrreduvvo, dadjá Riseth.
Buolbmát johttisáme searvvi jođiheaddji, Ellinor Guttorm Utsi, dovdá dili ja lea maiddái ieš galledan dáža boazodoalu mátta Norggas. Soaitá šaddat ahte
– Jus doppe leat dakkár čovdosat mat leat gaskaoapmin main mii sáhttit oahpu váldit de gal áinnas, dadjá son.
