Dá leat dán jagáš juoigit:
Muhtun luđiid namat ja juigiid govat váilot, sivas go NRK ii leat ožžon daid iežas háldui vel. Artihkkal ođasmahttojuvvo go dieđut jovdet NRKii.
1. Jørgen Stenberg, Ruoŧŧa
Jørgen Stenberg lea oktii ovdal searvan SGPii, muhto dalle ii beassan buoremusaid searvái. Dán jagi son juoigá ”Guohtuome seädduo”, mii galgá buktit ráfi ellui ja baldit baháid eret.
2. Per Mathis Skum, Norga
Per Mathis Skum ii leat goasse searvan SGPii, vaikko lea ollu jagiid juoigan. Su luohti "Guovssonásti” muitala dološáiggi guođoheami birra. Go šaddá guovssu de ihtá maid guovssonásti. Guođoheaddji de diđii ahte fargga lea áigi lonuhit, ja ahte son beassá vuolgit vuoiŋŋastit.
3. Mikkel-Per Sara, Norga
Mikkel-Per Sara searvvai vuosttaš geardde SGPii 2009s. Go dál nuppes searvá, de juoigá ”Mathea”, iežas áddjuba.
4. Margareta Hætta, Ruoŧŧa
Dá lea vuosttaš geardde ahte Margareta Hætta searvá SGPii. Son gilvala luđiin ”Åge Ántte nieida”, mii lea persuvnnalaš luohti.
5. Iŋgor Ántte Áilu Gaup, Norga
Son lea dat vuosttaš gii goasse ge lea searvan sihke luohte- ja musihkkaoassái - seamma jagi! Dasa lassin lea Iŋgor Ántte Áilu dat gii eanemus gerddiid lea searvan SGPii. Dán jagi son lávke 14. geardde lávdái ja rohttesta iežas váhkarnieidda - ”Anne Marita”.
6. Anders Aslak Eira, Norga
Anders Aslak Eira lea guktii vuoitán luohteoasis, ja searvan lea oktiibuot njeallje geardde. Son juoigá luođi "Helge Máret", ja dan lea Berit Alette Eira bidjan.
7. Per Bueng, Norga
Per Bueng searvá nuppes SGPii.
8. Anfisa Ageeva, Ruošša
Anfisa Ageeva lea dat vuosttaš ja áidna ruošša-sápmelaš gii lea vuoitán juoiganoasis. Dál son searvá njealját geardde, ja dán háve lea luođi namma ”Dorozkha”, mii mearkkaša luottat.
9. Nils Mathis Sara, Norga
Nils Mathis Sara searvá dál njealját geardde SGPii. Ii leat vel buoremusaid searvái beassan, muhto dan sávvá dahkat luđiin ”Leah Linnea”, mii lea su áddjuba luohti.
10. Marit Inga S. Pettersen, Norga
Marit Inga S. Pettersen ii leat ovdal gilvalan SGPas. Dál go lávke vuohččan dán lávdái, de rohttesta iežas nieidda "Silje Mariell"
Eambbo Sámi Grand Prix birra:
Dá leat ges musihkkaoasi gilvaleaddjit:
1. Piera Jovnna Somby, Norga
Piera Jovnna Somby ii leat goasse ovdal gilvalan SGPas. Su lávlaga namma lea "Geavat áiggi guldalit" ja lea dan birra ahte olbmot galget beroštit nubbi nuppis. Váldit dili humadit nuppiin, leaš dál mánná dahje ollesolmmoš.
2. Sunná Länsmann, Suopma
Sunná Länsman lea nuorra nieida gii vuohččan searvá SGPii. "Gollesuonjar" lea dihtolágan ráhkisvuođa bihttá, mii muitala aibbašeamis.
3. Melina Kuhmunen, Ruoŧŧa
Melina Kuhmunen searvá lávlagiin "Sordon ráhkisvuohta”, ja lea su vuosttaš gilvaleapmi SGPas. Lávlla lea lihkohis ráhkisvuođa birra, mii duođašta ahte ráhkisvuohta ii leat dušše buorre ja hávski.
4. Elina Israelsson, Ruoŧŧa
Elina Israelsson gilvala lávlagiin "Gieresvuohta”. Go de searvá vuosttaš geardde SGPii, de lávlu son almba ráhkisvuođalávlaga. Daid dovdduid birra maid lea váttis govvidit ja čilget.
5. Ingor Ante Ailu Gaup, Norga
Go Áilu lea beassan diehtit luohteoasi bohtosiid, de gilvala ges lávlagiin "In the Heart of MA". Dáinna son giitá juigiid, ja earenoamážit sin geat leat duosttan juoigat čielggosoaivvis.
