leat jienastan gii galgá nammaduvvot dán jagáš sápmelažžan, ja dan 17 evttohasa gaskkas lei máttasápmelaš ártista Jon Henrik Fjällgren guhte oaččui eanemus jienaid.
Fjällgren beasai diibmá goasii Eurovision musihkkagilvui luđiin «Manne leam frijje», ja son lea maid ovddidan luođi árvvu Ruoŧa bealde ja erenoamážit máttasámiid luohtevieruid.
Gilvvus lei jienasteapmi rabas juovlamánu 31. beaivvi rádjái. Gilvui ledje 3625 jiena boahtán, ja Fjällgren oaččui 31 proseantta jienain.
Nubbin eanemus jienaid, 30 proseantta, oaččui luondduáktivista ja Suohpanterror dáiddajoavkku ovddasteaddji Jenni Laiti.
Goalmmádin bođii MMA gilvaleaddji Ole Johnny Eriksen, gii oaččui 11 proseantta jienain.