Dá lea jagi 2015 sápmelaš

Máttasápmelaš ártista Jon Henrik Fjällgren lea jagi 2015 sápmelaš. Dan leat Ávvira lohkkit mearridan.

Jon Henrik Fjällgren

Ávvira lohkkiid mielas lea Jon Henrik Fjällgren diibmá mearkkašan eanmus sámi servodahkii.

Foto: JONAS EKSTRÖMER / TT / TT NYHETSBYRÅN

Jenni Laiti

Áktivista Jenni Laiti bođii nubbin.

Foto: Merethe Kuhmunen/Sameradion & SVT Sápmi

Ávvira lohkkit leat jienastan gii galgá nammaduvvot dán jagáš sápmelažžan, ja dan 17 evttohasa gaskkas lei máttasápmelaš ártista Jon Henrik Fjällgren guhte oaččui eanemus jienaid.

Fjällgren beasai diibmá goasii Eurovision musihkkagilvui luđiin «Manne leam frijje», ja son lea maid ovddidan luođi árvvu Ruoŧa bealde ja erenoamážit máttasámiid luohtevieruid.

Gilvvus lei jienasteapmi rabas juovlamánu 31. beaivvi rádjái. Gilvui ledje 3625 jiena boahtán, ja Fjällgren oaččui 31 proseantta jienain.

Nubbin eanemus jienaid, 30 proseantta, oaččui luondduáktivista ja Suohpanterror dáiddajoavkku ovddasteaddji Jenni Laiti.

Goalmmádin bođii MMA gilvaleaddji Ole Johnny Eriksen, gii oaččui 11 proseantta jienain.

Ole Johnny Eriksen

Goalmmádin bođii Ole Johnny Eriksen.

Foto: Johan Ánte Utsi / NRK

Korte nyheter

  • Váilot jođánis-iskosat

    Máŋga suohkanis váilot dál jođánis iskosat. Dain ođđa njuolggadusain maid ásahedje mánnodaga, lea čállon ahte koronanjommon olbmuid lagasoktavuođat eai dárbbaš erremii, nu guhká go čađahit ieš-iskosa oktanuppelohkái beaivvi. Gaskavahkku rájes galget suohkanat juohkit nuvttá jođánis-iskosiid, muhto dain suohkanin gos leat váilugoahtán iskosat, doppe leat ásahan gáržžidemiid nuvttá juohkima hárrái.

    Hurtigtest
  • – Goavddis gullá sámi álbmoga doložiidda

    Sámi vuorkádávviriid musea jođiheaddji Jelena Porsanger dovdá ahte lea riekta go Paul-Andde goavddis addo Sápmái. – Goavddis gullá sámi álbmoga doložiidda, ja dovdo áibbas riekta ahte leat sápmelaččat ieža geat hálddašit kulturárbbi áimmahuššet ja gaskkustit dieđuid min doložiid ja otná dili birra, lohka Jelena Porsanger. Musea lea nai bargame stuorebuš čájáhusain mat leat min 50 jagi ávvudoalut Dat ráhppu beassážiid ja namma lea «sámi rumbbuid máhcaheami ruoktot», muitala Porsanger. Geahča olles jearahallama dá.

    Sámi vuorkádávviriid musea jođiheaddji Jelena Porsanger lea movttet go Paul-Andde goavddis addo Sápmái. 
  • Marit Meløy styreleder for RiddoDuottarMuseat

    Sametingsrådet har oppnevnt Marit Meløy som styreleder for Stiftelsen RiddoDuottarMuseat, det skriver avisen Ságat. Som varamedlem ble Ol Johan Gaup oppnevnt for samme periode. Marit Meløy (43) er ansatt i Karasjok kommune som prosjektleder for «Framtidens Karasjok», skriver avisen.

    Marit Eira Meløy
    Foto: Dan Robert Larsen / NRK