Korte nyheter

  • Lappekodisilla bukto Sápmái

    Lappekodosilla dokumeanta buktojuvvo Sápmái Guovdageidnui Sámi arkiivii. Majestehta Gonagas Harald lea mielde go kultur- ja dásseárvoministtar Abid Raja geige Lappekodosilla golggotmánu 19. beaivve. Lappekodisilla lea dehálaš dokumeanta ja dat gohčoduvvoge dávjá "sámiid Magna Cartan". Dat lea 1751 Norgga ja Dánmárkku ja Ruoŧa gaskasaš rádjasoahpamuššii dahkkon lasáhus, mas lea mearriduvvon mo dát riikat juhket ja hálddašit guovlluid gos sápmelaččat orro ja johte. Dokumeanta lea seailluhuvvon dássážii Oslos Arkivverkets magasiinnaid vuorkkáin. Historihkkár Steinar Pedersen dadjá, ahte dát lasáhus galggai sihkkarastit sámiid boahtte áiggi ja das lei stuorra mearkkašupmi.

  • USA ávžžuha mátkkošteamis Norgii

    USA njoammudávddaideastadaneiseválddit ávžžuhit leat mátkkoškeahttá Norgii go meroštallet Norgga riikan, gos lea bahá koronavirusa oažžut. VG-áviisa mielde rievdadii amerihkálaš njoammuneastadandoaimmahat CDC vuossárgga klassifiserema Norgga ektui. Eiseválddit ávžžuhit, ahte galggašii leat ollásit boahkuhuvvon ovdal Norgii mátkkošteami.

    Smittevern på sykehus i USA
    Foto: Lars Os / NRK
  • Norggas 658 ođđa njoammuma

    Norggas lea maŋimuš jándoris duođaštuvvon 658 ođđa koronanjoammuma. Dát lea 21 njoammuma unnit go vahku áigi seamma beaivve. Vuossárgga ledje buohcceviesuin divššus 104 olbmo dán rohttudávdda geažil. Norggas leat dán rádjai vuosttas boahkku ožžon 4 133 291 miljon olbmo ja ollásit boahkuhuvvon leat 3 614 430 olbmo.

    Første koronavaksinering i sapmi
    Foto: Nils John Porsanger / NRK