Cuiggoda bivdonjuolggadusaid

Olav Olsen Nordstrand (79) Skeavvonjárggas Gáŋgaviika gielddas lohká leat dohkketmeahttun ahte son ii šat beasa leat guollebivdi. Guollebivdu lea sutnje buohtalasealáhussan, mainna sus lea miella ain bargat veahá, vaikko vel lea ge eallilan olmmoš. Dálá njuolggadusaid mielde ii beasa son šat dáinna bivdduin joatkit go lea boarrásut go 75 jagi. Ealáhus- ja guolástusdepartemeanttas lohket njuolggadusat leat nie go sii vuoruhit lasi nuorra guollebivdiid geasuhit ealáhussii.