NRK Meny
Normal

Conifa vuorbádeapme bearjadaga

Bearjadaga vuorbádit dán geasi Conifa máilmmecupa čiekčamiid mat leat Abkhasias.

Conifa World Cup 2014

Sápmi čiekčá Abkhasias dán geasi, ja bearjadaga vuorbádit čiekčan ossodagaid.

Foto: Sergey Gavrilov / NRK

Sápmi lea okta 12 joavkkus mat servet čiekčamiida, mas leat njealjja ossodaga.

Sámi joavkku árvvoštallet daid nubbin buoremus joavkkuid gaska ja sáhttet gessot čiekčat joavkkuid nu go Abkhasia, Kurdálaččat, Davvi-Kyprosa dahje Panjab vuosttá, maid árvvoštallet buoremus joavkun dán gease čiekčamiin.

Buoremus joavkkut dán gilvvus árvvoštallá Conifa ná:
Abkhasia, Kurdálaččat, Davvi-Kypros ja Panjab.

Nubbin buoremus joavkkut leat Románi álbmot, Chagos Island, Szekely Land ja Sápmi.

Goalmmát buoremus joavkkut ges Raetia, Somaliland, United Koreans ja Oarje Armenia.

Loga maid: Gilvu beassat Conifa čiekčamiidda