Hopp til innhold

Clinton lei buoret go Trump

Máŋga USA čeahpi oaivvildit ahte Hillary Clinton lei buorebut go Donald Trump dan vuosttaš TV-debáhtas mannan ija. – Clinton lei eanet aggressiiva go dan maid son lei vuordán. Clinton nagodii suhttadit Trumpa go Clinton cuiggodii su gávppiid, dadjá USA-čeahppi Jan Arild Snoen NTB:i. CNN čađahii oaiviliskkadeami njuolga maŋŋel TV-debáhta, ja doppe vástidedje 62 proseanta ahte Clinton vuitii debáhta, ja 27 proseanta oaivvildedje ahte Trump lei buoremus.

Korte nyheter

  • Dovddasteigge áššálažžan Deanu Áššis

    Guktot áššáskuhtton olbmo dovddasteigga áššálažžan buot sivahallamiidda Deanu gieldda njihtan áššis, go diggi odne álggii sudno vuostá Østre Innlandet diggegottis.

    Deanu gieldda ovddeš IT- jođiheaddji ja okta fitnodateaiggát Hamaris leaba áššáskuhtton roavva korrupšuvnna ja roavva ekonomalaš verrošeami ovddas. Go leaba ovcci jagi badjel
    njihtan Deanu gielddas 21 miljovnna ruvnno.

    Inngangspartiet til Østre Innlandet tingrett
    Foto: Ola Bjørlo Stande / NRK
  • DNB lokte stohpoloatnareanttu

    Norgga stuorámus báŋku DNB lokte stohpoloatnareanttu, čállá E24 ođas doaimmahat

    Maŋŋá go Norgga báŋku geasemanu 23. beaivve mearridii loktet reanttu, de loktá maiddái DNB stohpoloatnareanttu bealleproseantta čuoggáin, muitala DNB gávpemárkanhoavda Ingjerd Blekeli Spiten.

    DNB stohpoloatnakundarat ožžot dieđu neahttabáŋkku dahje reivve bokte dán birra. Ođđastohpoloanaid ektui, goargŋu reanttu jo suoidnemáno 1. beaivi rájes, ja sis geain lea jo stohpoloatna DNB báŋkkus, sis goargŋu reanttu borgemánu 10 .beaivve rájes.

    Nordea lei vuosttaš báŋku mii loktii reanttu maŋŋá Norgga báŋkku almmuhii reantogoarguma.

    Boliglån
    Foto: Martin Kierstein, Colourbox, Foto: Colourbox
  • Jon (54) ja Kåre (60) jámiiga

    Lei 54 jahkásaš Jon Erik Isachsen ja 60 jahkásaš Kåre Arvid Hesvik guhte jámiiga báhčaleamis Oslo guovddážis lávvardat čuovganeapmái. 21 olbmo roasmmohuvve, logis sis duođalaččat roasmmohuvvan.

    Prideflagg og -krans etter skytinga i Oslo natt til 25. juni 2022
    Foto: Lena Andreassen