Cielahuvvon samejævelin

Ingolf Kvandahl cielahuvvui samejævelin dán vahkkoloahpa.

 Ingolf Kvandal i Ballangen har bygget en samisk campingplass.

Ingolf Kvandahl lea olu jagiid čalmmustahttán sámevuođa Bállágis ja dan son jáhkká sivvan go cielahuvvo.

Foto: Kjell Mikalsen

Son oaččui sihke fasttes teakstadieđuid ja maiddái telefonfástideaddjái hálle soapmásat fasttiid. Kvandahl lea olu jagiid čalmmustahttán sámevuođa Bállágis ja dan son jáhkká leat sivvan go cielahuvvo.

Iđitija čuojai telefuvdna

Ingolf Kvandahl

Ingolf Kvandahl lea ovttas Várdobáikki sámi guovddážin ásahan sámi dávvir vuorkká čájáhusa, son lea maid čohkken sámi báikenamaid Bállágis Nordlánddas.

Foto: Mathis Eira / NRK

Kvandahl muitala ahte telefuvdna čuojai diibmu: 00.22 sotnabeaičuovganeapmái, son ii vástidan telefuvnna.

Dasto bođii fasttes teakstadiehtu ja iđđes go iskái telefuvnna vástideaddji de doppe son cielahuvvui fasttit. Earret eará gohčoduvvui samejævelin.

Šiitá cielahan Kvandahla

NRK sápmi riŋgii telefonnummirii man bokte Kvandahl lohká iežas cielahuvvon. Almmái ii loga iežas cielahan Kvandahl, ja ii loga háliidit hállat ášši birra ja deaddila telefovnna eret.

Fremover áviisii lohká dát almmái ahte son lei feasttas ja dalle sáhttet earát geavahan su telefuvnna, muhto son ii dieđe gii. Ingolf Kvandahl áigu ihttin váidit ášši politiijaide

Čalmmustahttán sámevuođa

Kvandahl lea Bálága sámesearvvi jođiheaddji ja son lea čalmmusin dahkan sámevuođa Bállágis, son lea maid ceggen idjadan ja boradanbáikki Piipira siidda.

Dása lassin lea ovttas Várdobáikki sámi guovddážin ásahan sámi dávvir vuorkká čájáhusa. Son lea maid čohkken sámi báikenamaid Bállágis Nordlánddas. Ja son lohká ovdal maid vásihan sullasaš cielahemiid.

  • Guldal ášši