John Henrik Mienna ássá Girkonjárggas, muhto son lea riegádan ja bajásšaddan Guovdageainnus. Áibba nuorran válddii son vuostá "Jesusa", danne lávlu son eanaš kristtalaš lávlagiid.
Luohtešuoŋat maiddái
Son jorgaladdá ieš lávlagiid sámegillii, muhto lávlu gal maiddái eaŋgalasgillii. Bjørn Eidsvåga lávlagiid muitala iežas maiddái lávlut, ja muhtimin son gal luohtešuoŋaid maid rohtteha iežas lávlagiin.
CD-skearru háliidivčče ilbmadit
Iežas muitala guhká juo smiehttan ilbmadit cd-skearru, muhto ii leat vuos meinnestuvvan. Dál lea son fas bargamin dan guvlui, muhto goas dát ilmmaš, na dan ii duosta ii einnostitge. Boahtá dat gal oktii, deattuha son.