NRK Meny

Cahkkehan mánáidinstitušuvnna

Okta ássiin mánáidsuodjalusinstitušuvnnas Málatvuomis, Romssas, váruhuvvo cahkehan institušuvnna duorastat eahkeda. Birrasii beal oktanuppelogis fuomášuvvui buollin, mas njeallja nuora ja golbma bargi evakuerejuvvo. Ii oktage roasmmehuvvan buollimis. Buollin dagahii stuorra vahága institušuvdnii, lohká Romssa politiijaguovllu operašuvdnahoavda, Eirik Kileng.