Hopp til innhold

Buorre njállajahki

Mannan jagi šadde 204 njálačivgga Norgga duoddariin, ja dat lea hui buorre boađus go dat ealli lea áitojuvvon nálli.

Fjellrev
Foto: Lars-Petter Kalkenberg / NRK

Miljødirektør Ellen Hambro

Birasdirektoráhta direktevra, Ellen Hambro.

Foto: Miljødirektoratet/John Petter Reinertsen

– Ii mihkkige leat buoret njállii go máŋga maŋŋálas buori jagi, nu movt dál leat leamaš. Dat illudahttá oaidnit ahte čivganprošeakta lihkostuvvá máŋgga guovllus, dadjá Birasdirektoráhta direktevra Ellen Hambro.

Son maid lohká dán čájehit ahte leat lihkostuvvamin laskadit njállanáli. Njálla lea okta dain náliin mat lea hearkkimusat dálkkádatnuppástuvvama dáfus. Dat lea maid okta dain náliin Norggas mat leat garrasit áitojuvvon, ja danin leage Norgga Birasdutkkaninstitiuhtta (NINA) dieđuid mielde ain dan nu gohčoduvvon rukses listtus.

Fjellrev

Dán láhkai dat luitet njálaid meahccái.

Foto: Lars-Petter Kalkenberg / NRK

Álggahedje čivgan prošeavtta

Vai njálla seaillošii de álggahedje 2003:s biraseiseválddit njállačivgan-prošeavtta. Jagi 2005 rájes leat 301 njála luitojuvvon meahccái. 2015 gozihanraporta čájeha ahte diibmá Norgga várreguovlluin ledje 40 čivganjála, ja Ruoŧa bealde gis 87, maid leat sáhttán duođaštit.

Finnmárkkus gal dattetge ballet dán náli oalát jávkamis. NINA lohká dilálašvuođa balddihahttin, ja čállá raporttastis ahte lea dárbu bidjat earenoamáš doaimmaid johtui birgehan dihte dihtii njála davvin.

Publisert

Mer fra NRK Sápmi

Korte nyheter

  • Ođđasat - Davvisámegillii

    Kuhmunen erenoamáš listtus Ruoŧas

    Ruoŧa jođiheaddjiid searvvi, Ledare, mielas lea nuorra sámenisu Sara-Elvira Kuhmunen okta dain geasa sis lea erenoamáš jáhkku, ja gean navdet ain eanet lihkostuvvat boahtteáiggis.

    Searvi ráhkada jahkásaččat listtu maid gohčodit «Framtidens kvinnliga Ledare». (Boahtteáiggi nissonjođiheaddjit). Listtus leat 75 nama ja olles listu almmuhuvvo miessemánu 18. beaivvi.

    Sara-Elvira Kuhmunen lea Johkamohkis eret, ja lea Sáminuorra searvvi jođiheaddji.

    Son lea maŋemus jagiid áŋgiruššan dáistalit sápmelaččaid vuoigatvuođaid ovddas, ja maid lea ovdagovva eará sámi nuoraide.

    Kuhmunen lea maid oassálastán Sámi Grand Prix gilvvus ja son lea gieskat ožžon Ubmi sámesearvvi nuoraidbálkkašumi.

    .

    Sara Elvira Kuhmunen, Sáminuora jođiheaddji
    Foto: Anne Maret Päiviö / Sameradioen
  • Ođđasat - norsk

    Med på lista over «Framtidens kvinnliga Ledare» i Sverige

    President for ungdomsorganisasjonen Sáminuorra, Sara-Elvira Kuhmunen, er i år med på lista over «Framtidens kvinnliga Ledare».

    Det er det svenske fagforbundet for ledere, Ledarna, som årlig lager denne lista.

    Lista består av 75 personer som er sjefer og ledere, og er unge kvinner. Hele lista offentliggjøres 18. mai.

    Det er Sáminuorra som melder om dette på sin Instagram-konto.

    Fagforbundet Ledarna har over 100.000 medlemmer.

    Kuhmunen er fra Johkamohkki /Jokkmokk i Nord-Sverige.

    Hun deltok i joike-delen i Sámi Grand Prix 2022 med joiken «Čuvggodit». Hun gikk videre til gullfinalen, som Jörgen Stenberg vant.

    Kuhmunen ble i 2023 tildelt Anders Carlberg-minnepris, som tildeles årets unge forbilde i Sverige.

    Sara-Elvira Kuhmunen
    Foto: Per Heimly / NRK
  • Ođđasat - Davvisámegillii

    Stuorradiggi jienastii boanddaid dienasáššis

    – Bohtosa birra sáhtán dadjat ahte dál livčče ášši ovdáneamen buoret guvlui, lohká Norgga boanddaidsearvvi jođiheaddji Bjørn Gimming NRK:ii.

    Stuorradiggi mearridii ahte boanddaid jahkásaš bargodiibmolohku galgá leat 1750 diimmu. Ovdal lei diet lohku 1845. Boanddaid gáibádus lei ahte dien logu galget njeaidit 1700 diibmui.

    Earret eará leat boanddat ákkastallan dan láhkai ahte ii leat rehálaš gáibidit ahte boanddat galget bargat eanet go earát, ovdalgo ožžot seamma bálkká.

    Boanddat ja eanadoalloministtar Geir Pollestad ledje maid dáhtton Stuorradikki eanetlogu sihkkarastit ahte boanddat moatti jagi geažes ožžot buoret bálkká, nu ahte boanddat eai galgga dinet unnit go earát.

    Ráđđehusbellodagat ja opposišuvdnabellodagat Norggas leat moadde beaivvi juo digaštallan boanddaid dietnasa. Seammás leat boanddat miehtá Norgga boahtán Osloi miellačájehemiide.

    Bønder
    Foto: Stine Bækkelien / NRK

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen