NRK Meny
Normal

Buorre jus suohkanat ovttastahttojuvvojit

– Sámiide Dielddanuori ja Skániid suohkaniin lea buorre jus dát suohkanat ovttastahttojuvvojit, oaivvilda álbmotakšuvnna ovddasteaddji.

Skånland
Foto: Mathis Eira / NRK

– Sámiide lea buorre jus Dielddanuori ja Skániid suohkanat ovttastahttojuvvojit: Nu dadjá ETS álbmotakšuvnna ovddasteaddji, Kjersti Myrnes Balto.

Skániid sátnejođiheaddji Helene Berg Nilsen gal dáhtošii ovttastahttit dán guokte suohkana.

Helene Berg Nilsen

Skániid sátnejođiheaddji Helene Berg Nilsen.

Foto: Mathis Eira / NRK

– Mun gal háliidivččen ságastallat ahte gálgá go ovttastahttit Skániid ja Dielddanuori suohkaniid. Skániid, Evenášši ja Dielddanuorri čađahedje maid álbmotjienastemiid ovdal go suohkanstivrrat mearridedje ášši. Boađus dáin álbmotjienastemiin lea ahte álbmoga eanetlohku háliidii ahte Evenášši, Skániid ja Dielddanuori suohkanat ovttastahttojit, dadjá son.

Muhto Evenášši suohkanstivrra eanetlohku mearridii ahte suohkan gálgá bissut sierra suohkanin, nu ii leat šat golmma suohkan ovttastahttin šat nu čielga molssaeaktu.

Ovttastahttit golbma suohkana

Kjersti Myrnes Balto lea Álbmotakšuvnna ovddasteaddji mii háliidivččii ovttastahttit dán golbma suohkana.

Kjersti Myrnes Balto

Álbmotakšuvnna ovddasteaddji Kjersti Myrnes Balto.

Foto: Mathis Eira / NRK

– Mun oaivvildan ahte sápmelaččaide Evenáššis, Skániin ja Dielddanuoris livččii buoremus ahte dát golbma suohkana ovttastuhttojuvvojit, dadjá son.

Skániid sátnejođiheaddji Helene Berg Nilsen gal háliidivččii ahte juobe Skániid ja Dielddanuori suohkanat ovttastahttojuvvojit. Muhto Dielddanuori sátnejođiheaddji Liv Kristin Johnsen lohká iežaset vuordit maid Nordlándda Fylkkamánnii dahkká. Fylkkamánnii lea boahtte vahkkui bovden sin čoahkkimii.

  • Guldal ášši: