Buorre jurdda almmuhit boazologuid
Norgga stuorámus orohaga jođiheaddji Lemet Ammon Eira lohká ahte eanandoalloministtar Jon Georg Dale evttohus lea buorre jurdda ahte almmuhit boazologuid. Ikte bođi ovdán earet eará dát evttohus dan ođđa boazodoaludieđáhusas. Eanandoalloministtar oaivvilda ahte almmuhit boazologuid boahtá easttadit ceggemis ealuid. Eira lohká maiddái ahte dát boahtá veahkehit siskkáldas iešstivrejumi.