Buorre gulahallan

Ikte lei oljo- ja energiijaministtar Tord Lien Álttás, doppe son rabai 420 kV elfápmolinjjá huksema. Linjá maid sihke industriija ja eiseválddit oaivvildit áibbas dárbbašlažžan jus galgá vejolaš hukset industriija. Lákkonjárgga orohagas ledje boahtán ovddasteaddjit čájehit ahte sin oaivilat eai leat váldon vuhtii áššis, go linjá galgá mannat guottet eatnamiid čađa. Lien dadjá NRK:i ahte sis leamaš buorre gulahallan singuin geaidda huksen guoská.