NRK Meny
Normal

Buorre go diđoštit luossahivvodaga

Dutkit áigot iskagoahtit manne luonddu luosa hivvodat rievddada jagis jahkái. Deanu luossareivve-eaiggádiid jođiheaddji, Reidar Varsi, lohká dán leat miellagiddevažžan.

Reidar Varsi, leder i Laksebreveierforeningen for Tanavassdraget (LBT)

Reidar Varsi

Foto: Nils Henrik Måsø / NRK

Dál dutkagoahtá Luondduhálddašan direktorahtta manne luossahivvodat rievddada jagis jahkái. Manne muhtin jagiid leat luossavallji, ja eará jagiid ges ii. Luossahivvodat han manná dego báruid mielde, lohká Reidar Varsi, danne lea buorre go dán dutkagohtet.

Ieš ballá nuoskkideami leat sivvan

Iežas muitala dávjá smiehtadan manne luossahivvodat rievddada. Danne lea buorre go dál áigot dutkagoahtit manne nie lea. Dutkit leat gal ovdal vikkahan dan ahte olbmot dat bivdet dál eanet go ovdal, ja ahte danne dat lea luossahivvodat rievdan. Son gal ii jáhke ahte dál bivdet eanet go ovdal, danne go ovdal ledje olu eanet luossabivdit go dál. Dalle ledje maid olu eanet boađut Deanus go dál.

Laksefiske i Tanaelva ved Storfossen

Luossabivdu Deanus

Foto: Eilif Aslaksen / NRK