Buoret mátketelefonoládat

Telenora oládatdirektevra lohpida ahte Finnmárkku mátketelefonoktavuođat buorránit ja mátketelefovnnain olaha viidábut go ovdal. Dan čállá aviisa Finnmarken. Álttás lea juo 4G-oládat ja Telenoras lohpidit ahte maiddái Čáhcesullo ja Hámmarfeastta ássit besset juo dán jagi geavahit 4G neahta. Girkonjárgalaččat šaddet gaskaboddosaččat vuordit boahttejahkái ovdal ožžot 4G neahta.