NRK Meny
Normal

Buolbmátguolbana Guossedállu

Geassi lahkona ja olbmot álget eanet mátkoštit, danne lea vuogas geahčadišgoahtit gos idjasajiid gávnnašii ja makkárat dat leat.

Buolbmatguolbana Guossedálu dárfegoađit

Buolbmatguolbana Guossedálu dárfegoađit

Foto: Anne Olli

Esther Utsi

Esther Utsi

Foto: Anne Olli

Buolbmatguolbana Guossedálus/ Polmakmoen Gjestegårdas lea idjadanbáiki Buolbmágis. Idjadansaji eaiggát Esther Utsi muital alddis leat idjadansaji 33 olbmo idjadit.

Dušše 16 saji jos sierralanja dahttot buohkat

33 olbmo muitala čahkat su báikái, muhto de muittuha gal ahte jos juohkahaš sávvá sierra lanja, na de ii leat gal sadje eanet go 16 lohkásii. Ja de muitalasttá vel dan ahte sii geat daid dološáigge gođiin áiggošedje idjadit, na dát párat gal fertejit liikot hui láhkalagaid nohkastit, danne go fertejit maiddái veaháš vidnjut nohkastit, hui balddalagaid go doppalseaŋggas nohkasteaba.

Kohkkejit duššefal áivanis biepmu

Na dáppe ii loga gal geaidnogievkkan biepmui gal fitnet borrat, go dán báikkis oažžu dušše fal ruovttu ráhkaduvvon biepmu. Ja dan maid sii dáppe kohkkejit, dat lea ráhkaduvvon guovllu buktagiin nugo bohccobieggus, meahccesávza-lábbábierggus, šibitbierggus, dahje guoliin nugo sáiddis, báldás, jávreguolis ja nu ain, ja bajáluššan oažžu das maid lea vejolaš gávdnat Deanu luonddus nugomat murjjiid.

Boares buolbmát čoahkkebáikkis lea su guossedállu

Son muitala iežas idjadanbáikki leat justa das gos ovddeš Buolbmat čoahkkebáiki lei, ja justa dát váldodállu lea oassin dan čieža gáfestallan sajis mas songe oassálasttá. Dát mearkkaša dan ahte sii fállet turisttaide mátki johtit Buolbmágis gitta riddui, ja dán gaskas leat sis čieža vuoiŋŋastan báikki. (Loga eanet gova vuolábealde)

Buolbmatguolbana Guossedálu goađit

Buolbmatguolbana Guossedálu goađit

Foto: Anne Olli

Danne gohčodit sii dán "De sju kaffekok", čieža gáfestallan báikki. Ja turisttat vulget Deanu Museas, ja de vázzat sii boares Buolbmága boares dáluid geahčadeamen ja seammás gullet dáid historjjás. Ja de go su idjadanbáikái ollejit, na de bassit sii luosa dás olggobealde. Ja su idjadanbáiki dat leage dat vuosttar gáfestallanbáiki.

Váldán badjelasas áhkkus báikki


Ja dát idjadan báiki maid son jođiha, dan lea su áhkku jođihan dalle go elii, ja su guossin ledje eanaš ámmátolbmot ja báhpat. Esther Utsi muitala iežas váldán bajelasas áhkkus báikki, muhto dan dálu maid son geavahii idjademiide, dan son ii gal geavat, danne go dát leat mendo unni.

Ráhkadahttán gođiid

Son lea báicce ráhkadahttán gođiid, golbma dološáigge goađi ja golbma konsuleantagoađi. Daid konsuleantagođiid son huksehiid danne go dáid lei álkit hukset, áinnat dáidda eai dárbbašan ráhkat dákkáraš sojahuvvon ávdnasiin osiid. De leage nu ahte Esther Utsis leat goađit gos ijastallá, ja munnjege fálai goađi, veaháš mun gal soaiggehin, jurdilin ahte ammahal daid gođiin leat sáhpánat. ( Loga eanet gova vuolabealde)

Goađit

Goađit

Foto: Anne Olli

Gođđiin leat dábálas lanjat

Ii dat lohkan mu dárbbašit ballat sáhpaniin danne go gođiin lea áibba dábálaš lanjat gos sáhpániin ii leat vejolaš beassat sisa. Olggobealde dat gal dáidet leat olu sáhpánat, danne go justa dán jagi leat olu sáhpánat sin guovllus. Siste leat áibba dábálaš lanjat gos leat seaŋggat, ja aibba dábálaš basadanlanjat gos leat rišut ja hivssegat. ( Loga eanet vuolábeal gova)

Esther Utsi idjadan-goađis

Esther Utsi idjadan-goađis

Foto: Anne Olli

Turisttat healkkehit go son fállá goađis oađđit

Esther Utsi muitala muhtin turisttaid leat suorganan go gulle ahte galge gođiin idjadit, imaštalle mo doppe birget. Go doppe han varra lea reahpenráigi gokkosuovva manná olggos,muhto ii hal nu gal leat. Su goađit dat gal lea áibba ođđaáigásačča siskabealde, de danne ii dárbbaš ballat.

Ja munge šadden nohkastit goađis, doppe lei buot maid dárbbašin. Basadanlatnja lei stuorra buorre latnja ja nohkkanlanjas lei maid uvdna gosa livččen sáhttán dola bidjat, muhto in han dan gal dárbbašan go goađis ledje liggenuvnnat.

Nuppe geahčen ledje maid gievkkanávdnasat. Golmmihanskáhppa, vuoššanuvdna, lihttebassan sadji ja das lei maid kohkkenvejolašvuohta.
In váillahan in maidige, ja dás mun gal nohkastin hui ráfálaččat. Buorre idjadanbaikin sáhtan lohkat su gođiid.

Guossedálu goahti

Guossedálu goahti

Foto: Anne Olli
Polmakmoen Gjestegård Buolbmágis

Polmakmoen Gjestegård Buolbmágis

Foto: Anne Olli