NRK Meny
Normal

Buolaš ii hehtte su govvideames

Olusat leat oaidnán su govaid Facebookas ja Instagramas. Govat ihtigohte maŋŋá go dát badjebárdni oaččui vuosttas telefuvnna mas lei kámera.

Nuorra badjeganda gii govvida go lea barggus.

GOVVIDA: Máhtte Ailu Utsi Gaup juogada viššalit govaidis sosiála mediain. GOVVIDAN/ČUOHPPAN: Henriette Johnsen Joks.

Máhtte Ailu Utsi Gaup (20) lea ealu vuojeheamen Čoavddatmohkis Kárášjogas. Vaikko lea buolaš dán beaivvi, de rokkasta ozas govvenapparáhta mainna coahkkugoahtá. Ozas nagada bisuhit dan mađe heakka mobiltelefuvnnas ja iežas ođđa govvenapparáhtas ahte sáhttá govvet. Luonddus son govve eanaš govaid.

– Mun álgen govvidit dalle go ožžon vuosttaš telefuvnna mas lei kámera, muitala Máhtte Ailu.

Govaid juogada Facebookas ja Instagramas vai iežas olbmot ja skihpárat sáhttet oaidnit mo dat lea doppe gos son lea.


Guldal jearahallama dás: