– Dan mun sáhtán dušše lohkat ahte dasa eat mii mieđit, go dás lea sáhka stuorra guovllu el-fámus.
Dan vástida stáhtaministtar Jonas Gahr Støre NSR-nuoraid jođiheaddji Elle Nystad cealkámuššii ahte buoremus livččii bissehit doaimmaid Fovsenis.
Lea fargga 600 beaivvi vássán das rájes go Alimusriekti celkkii duomu, ja Fovsen-áššis ii leat vel čoavddus.
– Lean čađat dadjan, ahte muhtun aktionisttaid vástádus dasa maid oaidnit lea "Gaikko buot turbiinnaid", ja vástádus dasa lea "Dan eat daga. Dat ii leat nu movt mun lohken dan duomu, ii leat nu movt Alimusriekti lea cealkán. Muhto mii fertet dahkat rievdadusaid, váikkuhit dasa ahte mii čuovvut dan maid Alimusriekti lea dadjan, das ii leat mihkkege maid digaštallá ja mii bargat áššiin. Mun ádden ahte demonstránttat leat vuostemielalaččat, muhto mun sáhtán sidjiide duođaštit ahte mii geavahit áiggi nu bures go vejolaš gávdnat čovdosa.
Nu stáhtaministtar dajai ođđasiin odne.
– Det kan jeg bare si at det går ikke vi inn for, fordi dette er store spørsmål knyttet til kraft til en stor region.
Det svarer statsminister Jonas Gahr Støre på NSR-u leder Elle Nystad sin uttalelse om at det beste hadde vært å stoppe drifta på Fosen.
Det er snart 600 dager siden Høyesterettsdommen og fortsatt ingen løsning i Fosen-saken.
– Jeg har hele tiden sagt at svaret som vi blir møtt med fra en del av aksjonistene «Riv alle turbinene», det svaret på det er nei. Det er ikkke slik jeg leser den dommen, det er ikke slik Høyesterett har ytret seg. Men vi må gjøre endringer, bidra til det slik at vi er i tråd med det Høyesterett har sagt, det er det ikke noe å diskutere og det jobber vi med. Jeg skjønner at det er utålmodighet blant de demonstrantene, men jeg kan bekrefte for dem at vi bruker tiden så godt vi kan for å finne en løsning.
Det sa statsministeren på timesnyhetene i formiddag.
Akšunisttat bivdet stáhtaministara Jonas Gahr Støre váldit ovddasvástádusa Fovse-áššis, ja áigot giddet beassama su kantuvrii.
Sii áigot idjadit Stáhtaministara kantuvrra olggobealde fuomášahttin dihte ahte ihttin, geassemánu 3. beaivvi, leat 600 beaivvi vássán dan rájes go Alimusrievtti duopmu celkui olmmošvuoigatvuođarihkkuma hárrái.
NSR Nuoraid jođiheaddji Elle Nystad čállá preassadieđáhusas ahte akšunisttaid gáibádus lea ahte bieggaturbiinnat gaikkoduvvojit Fovses.
Akšunisttat čállet preassadieđáhusas ahte sis leat sihke láhkkit ja oađđinseahkat, ja ahte eai dáhto sirdit iežaset jos bolesat dan gáibidivčče.
Akšuvdna álggahuvvui šloahta olggobealde odne, ja sihke stáhtaministtar ja oljo- ja energiijaministtar Terje Aasland deaivvadeigga singuin šloahta šiljus.
– Vuosttažettiin de lean hui ilus dinguin deaivvadit dáppe dál. Mii leat aiddo leamaš Stáhtaráđis, ja háliidan muitalit didjiide ahte ášši ii leat orustan, dajai stáhtaministtar Jonas Gahr Støre go deaivvadii akšunisttaiguin šloahta olggobealde.
