Buohcciviessu oažžu ruđa
Kirkonjárgga buohcciviessu oažžu ruđa háhkat eambo dikšobiergasiid ja bargiid. Dan čállá Nordlys -aviisa. Davvi Dearvvašvuohta addá 1,5 miljovnna kruvnno buohccivissui. Dát ruhta galgá earet eará geavahuvvot bálkáhit rádiográfa, rádiologa, koordináhtora ja laboratoriaveahki guđa mánnui. Buohcciviesus lea leamaš dárbu eambo bargiide ja ođđa røntgenrusttegii, go leat nu ollu dorvoohccit geaid dearvvašvuohta galgá iskojuvvot.