Buktet cealkámuša boazodoallošiehtadussii
Sámedikki dievasčoahkkin galgá boahtte vahku meannudit Sámedikki cealkámuša 2023/2024 boazodoallošiehtadussii.
– Oaivvildan ahte dán boazodoallošiehtadusas ferte leat erenoamáš fokus dan váttes ekonomalaš ja doaimmalaš dillái maid boazoealáhus dál vásiha. Dasa lassin ferte boazodoallošiehtadus deattuhit boazoealáhusa sosiála beliid, dadjá sámediggeráđđi Hans Ole Eira.
Boazodoallošiehtadallamat leat jahkásaš šiehtadallamat Stáhta ja boazoealáhusa gaskasaš ealáhusšiehtadusas.