NRK Meny
Normal

Buktá bohccobierggu Ruoššas, ii bala dávddas

Haparanda-fitnodat Polarica lea máŋga jagi buktán moadde duhát gilu bohccobierggu Jamalas, Sibiiras Ruoššas, muhto olggobealde dán guovllu gos dál leat 1200 bohcco jápmán dáđvesonahahkii.

Arkivbilde: Rein på tundraen i NAryan-Mar, vest for området som nå er rammet av miltbrann

Yamalas Ruoššas lea dáæesonahat dahje miltbrann goddán 1200 bohcco.

Foto: Thomas Nilsen / Barents Observer

Polarica beaivválaš jođiheaddji Juha Ruohola ii oainne makkárge váraid dan sisabuktimiin - buot bohccot maid ostet leat dárkkistuvvon. Dan muitala oddasat.se

50 miilla davábealde

1200 bohcco leat ge jápmán dán dávdda dihte lulimus guovllus Jamalas, Sibiiras ja 13 olbmo leat gártan buiohccivissui oažžundihte divššu.

Polarica fitnodat bukte bohccobierggu sihke Ruŧŧii ja Supmii. Sii gávppašit 500 kilomehtara davábealde dán guovllu gos dál lea fuomášuvvon dávda dáđvesonahat dahje miltbrann ja son gal ii loga ballat ahte dát čuohcá sidjidde danin go lea nu guhki dán guvlui gos dát dávda lea.

– Eiseváldit leat bargame hehttendihte dávdda leavvamis jka mun luohtán dasa ahte dávda ii beasa leavvan, lohká Ruohala.

Ii nu dábálaš dávda

Jamalas ii leat leamaš dát dávda 1941 rájes ja ná stuora váikkuhusat dáđvesonahagas ii leat leamaš ođđaset áiggis Ruoššas.

Ruošša eiseválddit dieđihit dál ahte sii bidjet buot návccaid bissehandihte dávdda leavvamis ja leat earret eará fárrehan olbmuid eret ja leat áidon máŋga njealjehas miilla stuora guovllu.

Ollu doaimmat jođus

Eiseváldit leat maid boahkuheame 3000 bohcco dávdda vuostá ja leat jápmán bohccuid jávistit.

Ruohala iii bala ahte dál bissehit vejolašvuođa oastit bohccobierggu Ruoššas.

– In. Dan in jáhke. Eiseválddit leat johtilit biodjan doaimmaid ja bissehan dávdda leavvama, dadjá son, iige jáhke dán billistit biergojođu ovddas.

Son ii jáhke dán váikkuhit sidjiide,

– In jáhke dán billistit bohccobierggu beaggima maŋge ládje, dadjá Juha Ruohola.