Bovttii váivves muittu

MeToo -kampánnja bovttii váivves muittuid nissonolbmos, gean gohčodat dás Karin. Čoahkkimis man NSR lágidii muhtin jagiid áigi son veagalváldui. Son muitalii NRK:i ahte álggos NSR:s ávžžuhedje váidit ášši politiijaide, muhto maŋŋelaš oaččui dieđu ahte ii galggašii váidit. Norgga Sámiid Riikasearvvi jođiheaddji Beaska Niillas šiitá, ahte NSR livččii bivdán leat váiddekeahttá ášši.