NRK Meny
Normal

Botke šiehtadallamiid

Vuosttaš geardde historjjás botkii Norgga Boazosápmelaččaid Riikasearvi (NBR) boazodoallošiehtadallamiid Stáhtain ikte eahkedis.

NRL-leder Nils Henrik Sara
Foto: Klemet Anders Sara / NRK

NBR jođiheaddji, Nils Henrik Sara mielas lei váivi go diekkár čovdosii fertii dorvvastit, muhto soahpameahttunvuohta biergohattiid alde dagahii ahte sii eai nákcen ovttas ráhkadit ođđa šiehtadusa dán jagi.

Lea beahtahallan

Stáhta ja Norgga boazosápmelaččaid Riikasearvi eai nákcen soabadit man haddái dat bierggut galget vuvdojuvvot mat leat čuogganan vuorkái. Lagabui 500 tonna bohccobiergu lea dal Nortura vuorkkás ja bierggut galggašedje vuvdot ovdal čakčanjuovvamiid.

Eanandoallo departemeantta stáhtačálli Ola T. Heggem lea beahtahallan go NBR ii miehtan sin fálaldahkii.

Ola T. Heggem
Foto: Trond Vestre / NRK

- Gojo lea nie olu bohccobiergu lea vuorkkás de lea baggu muhtin áigái njeaidit bohccobierggu hatti vai sii jođihivčče dieid biergguid.