NRK Meny
Normal

– Borggat ja čoaskimat dolvo luopmániid

Dan jáhkká aŋŋellaš Elina Torikka maŋŋá borggaid, biekkaid ja čoaskimiid, mat ledje mannan vahkkoloahpa ja dán vahku álggus.

Multevær

Borggat ja čoaskimat eai bilidan buot luomeliđiid.

Foto: Skjermdump / YLE

Luopmánat ledje davimus Sámisge jo lieđđugoahtán ja čuolbmaduvvamin, go de borggai ja čoaskkedii mannan vahku loahpageažes ja dán vahku álggus.

Danne jáhkká aŋŋellaš Elina Torikka, ahte dán jagi ii dárbbaš nu doapmat lupmet.

–Soaitá buorre, jos mat lihterge fidnešii, dadjá son, maŋŋá go lea fitnan geahčadeamen man muddui luopmánat ledje geargan čuolbmaduvvat, muitala son YLE Sápmái.

Diibmá lei buorre luomejahki olles Sámis. Mánggalot jahkái eai leamašan nu olu luopmánat go diibmá.

Árat maid besse olbmot lubmegoahtet diibmá go dábálaččat. Jo suoidnemánus besse olbmot deavdigoahtit diibbá luomespánnjaid.

Muhto moson Elle luopmániin manai. Ieš gal sávvá, ahte suoddjásis leat seilon dat luopmánat vai son beassá čoaggilit daid.



_____________________________________________