Buot boraspirelávdegotti 5 lahtu Hedemárkku boraspire hálddašanguovllus geassádedje ráđđehusa boraspirepolitihka geažil. Áirasat gulle boazoealáhussii ja vuovdeealáhussii
Čuovvut Stuorradikki ja ráđđehusa mearrádusaid
Boraspirelávdegottit leat stáhtalaš fuođđoásahusat ja galget doaimmahit Stuorradikki ja ráđđehusa boraspolitihka. Lávdegottit leat Dálkkádat- ja birasdepartemeanta vuollásaš ásahusat ja galget čuovvut departemeanta gohččosiid.
Lei maŋŋil go ráđđehus mearridii unnit gumppiid báhčit ahte áirasat geassádemiid dovdástedje vuosteháguset ráđđehusa boraspirepolitihkkii.
Boraspireláhkaásahusa vuođul nammada Dálkkádat- ja birasdepartemeanta miellahtuid ja várrelahtuid boraspirelávdegottiide fylkkadikkiid evttohusaid vuođul. Sámediggi namma njuolga iežas áirasa, dieđiha departemeanta.
Boazodoalu áirasat geassádit
2009 geassádii boazodoalu áirras, Karen Anette Anti-Oskal boraspirelávdegottis, ja celkkii dalle ahte lávdegoddái lea addon beare bánehis ja gáržžes fápmudus, mii dagaha ahte lávdegoddi sáhttán dalle rávvet movt čoavdit čuolbmabeliid maid boraspiret dahke boazodollui.
2016 geassádedje buot miellahtut Hedemárkku boraspirelávdegottis. Daid gaskkas lei boazoeaiggát ja Sámeikki nammaduvvon áirras, Jon Anders Mortensson.