NRK Meny
Normal

Borasdávda sáhttá čuovvut sogaid

Jos soapmásis du sogas dahje bearrašis lea borasdávda, de soaittát háliidit diehtit leago dat sogadávda.

Laboratorium

Olmmoš sáhttá iskkahit iežas ahte leat go sus genat mat sáhttet dagahit borasdávdda.

Foto: ColourBox

Muhtin sogain sáhttet genat dagahit dan ahte dán soga olbmot ožžot borasdávdda. Eatnašiin dáin buhcciin gávnnahit ahte borasdávda lea dego čuvvon dan soga.

Earret eará leat gávnnahan ahte manneráksá- ja čižžeborasdávda dego čuovvu soga.

Iskkahit vejolaš fáhtehallama

Jos olmmoš diehtá ahte su sogas leat máŋggas ožžon borasdávdda ovdal go devde 55 jagi, dahje nuorabun, de lea vejolaš mannat iskkahit leat go sus dakkáraš genat mat sáhttet dagahit borasdávdda.

Reportár Inga Renate Buljo lea háleštan Romssa universitehta Kompetansesenteret for arvelig kreft jođiheddjiin Nina Strømsvikain. Otne eahket maŋŋebárgga, logaldallá son dán fáttás Álttás.