Terroráitta Norgga vuosttá

– Olbmot fertejit leat gergosat dasa ahte mii sin bissehit ja bearráigeahččat, lohká Kárášjoga leansmánni Kjell Magne Grønnli.

Bevæpnet politi kontrollerer bil

Vearjuduvvan bultija bearráigeahččá biilla.

Foto: Elvi Rosita Norvang / NRK

Norggas leat vearjoduvvon bolitiijat otne fakten riikkaidgaskasaš girdišilljuid

, ruovdemáđiistášuvnnaid ja buot johtolaga riikii. Preassakonfereanssas Oslos eske muitaledje politiijat ahte ekstremistajoavkkut leat dieđihan terrordaguid norgga vuostá lagamus beivviid, muhto eai dieđe makkár daguin lea sáhka.

Rapporterer fra grensen

Kárášjoga leansmánni Kjell Magne Grønnli ovttas NRK Sámi doaimmaheddjiin Siv Eli Vuolabain.

Foto: Elvi Rosita Norvang / NRK

Gáregasnjárgga rádjestašuvnnas leat Kárášjoga bultijat mat bearráigehččet johtolaga. Leansmánni Kjell Magne Grønnli ii loga iežas sáhttit muitalit maid sii isket.

– Eatnasat geaid dárkkistit leat gullán juo main mii dahkat dán, ja eai imáštala eai ge moaitte.

Eai dieđe man guhká

Buot luottain Norgii boahtá leat earenoamáš rádjegoziheapmi ovddosguvlui birra jándora. Maiddái togastašuvnnain, ja girdigittiin lea bearráigeahčču. Man guhká earenoamáš doaibmabijuidguin jotket, ii leat vel dieđus.

Kontrollerer alle biler

Bultijat bissehit ja isket buot biillaid mat leat Norgii jođus.

Foto: Elvi Rosita Norvang / NRK

Norgga vuostá lea boahtán terroráitta, ja bultija sihkarvuođabálvalus PST mearridii ovttas ráđđehusain odne muitalit dán birra álbmogii, go bidjet johtui earenoamáš doaibmabijuid. Finnmárkkus leat bearráigeahččan sihke suoma ja ruošša ráji.

– Man guhká joatkit eat dieđe, muhto hui sihkkarit goit boahtte vahkui, lohká Grønnli.