NRK Meny
Normal

Bohciidahtii digáštallama go jođihii čoahkkima nuortalašgillii

Suoma Sámedikki ságadoalli ii loga iežas suorganan vaikko cuiggoduvvo.

I Finland diskuteres det om
plenumsmøter ved Sametinget kan -
- ledes på østsamisk,
slik den nye lederen gjorde før påske.
Selv er ikke sametingslederen
skremt av kritikken.
Suoma bealde digáštallet dál ahte heive go Sámedikki dievascoahkkima jodihit nuortalašgillii, nu go odda ságadoalli dagai ovdalaš beassážiid. Ieš ságadoalli ii suorgan vaikke cuiggoduvvo:

Máŋggas jorgo čalmmiideaset go ođđa ságadoalli, Tiina Sanila-Aikio, jođihii Suoma Sámedikki dievasčoahkkima nuortalašgillii.

– Mearridin dalle go álggahin sámedikkis, ahte mun geavahan dievasčoahkkimiin nuortalašgiela ja lean joatkán ain dan seamma linjá, lohká Suoma Sámedikki ođđa ságadoalli Tiina Sanila-Aikio Ođđasiidda.

Suoma bealde digáštallet dál heive go Sámedikki dievasčoahkkima jođihit nuortalašgilliii, nu go ođđa ságadoalli dagai njukčamánu loahpas.

Digáštallo sosiala mediain

Sosiála mediain muhtimat leat moaitán giela geavaheami, go buohkat eai ádde nuortalašgiela.

Sanila-Aikio áigu jođihit dievasčoahkkimiid boahttevuođasge nuortalašgillii, iige beroš vaikko su leatge cuiggodan das.

Anárlaš Outi Länsman lea viššalit čuvvon sámedikki čoahkkimiid. Son ii ane bahán dan, go sámedikki čoahkkimiin gullojit buot sámegielat. Länsman ii ádde go olbmot cuiggodit sámedikki maid unnitlogu sámegielaid geavaheamis.

Dat orui mu mielas hui lunddolaš, in eará oba vuordánge. In heađisge vuordán, ahte son livčče jođihan dan suomagillii dahje muhtin eará sámegillii, vaikko sonhan máhttá maid davvisámegiela, lohká Länsman.

Vaikko stuorra oassi sámediggeáirasiin ii áddešiige nuortalašgiela, de ii sámedikki ođđa ságadoalli dárbbaš goittotge boahttevuođasge seinniide hállat.

Sámedikki čoahkkimiin lea oainnat simultánadulkon njealji gillii: suomagillii ja golmma sámegillii.

– Maid mun dás áddejin, buohkat áddejedje visot maid mun dadjen ja dulkon lihkostuvai dan bealis hui bures. Ja dieđusge mun áddejin visot maid earát dadje ja makkár sáhkavuorut ledje, ahte dan bealis hui bures manai, lohká Sanila-Aikio.