NRK Meny
Normal

– Bohccot dáidet sivvan jápminlihkohisvuhtii

Biilavuoddji lea čilgen iežas lagamus bearrašii ahte bohccot dat leat sivvan biilalihkohisvuhtii mas 40-jahkásaš Harstad-dievdu duššai mannan sotnabeaivve.

Politiijat eai leat vel gažadan biilavuoddji gii roasmmohuvai garrasit lihkohisvuođas Lákkonjárggas, 60 kilomehtera lulábealde Áltá.

Biilavuoddji, gii ain lea Davvi-Norgga Universitehta buohcciviesus, galgá leat čilgen iežas lagas olbmuide ahte son vujii badjel luohtta bohccuid dihte.

Dan dieđiha Oarje-Finnmárku politiijaguovllu operašuvdnajođiheaddji Per Holmvik, NRK Nordnyttii .