Bohccot darvánit áiddiide

Oppdal- ja Rennebu-guovllus, Mátta-Trøndelágas, šaddet sávzzat ja bohccot gillát, go darvánit priváhta bartaguovlluid áiddiide. Nu muitala áviisa Oppdalingen. Oppdal sau og geit-searvvi jođiheaddji, Aud Marie Bøe, ávžžuha bartaeaiggádiid čuovvut almmolaš njuolggadusaid, ahte mo galgá áidut. Leat erenoamážit rávdnjefierbmeáiddit maidda bohccot ja sávzzat darvánit, ja dakkár áiddiid ii leat lohpi cegget barttaid birra.