Nubbinjođiheaddji Per John Anti lohká dán leat boađusin dan nana márkanfievrridanbarggus, maid sii leat dahkan maŋimuš jagiid.
– Dát han lea máilmmi illudahtti, go mii oaidnit ahte nuorat olbmot maid fuobmájit bohccobierggu. Dalle han eambbo olbmot maid álget borrat bohccobierggu.
Dat muitala dieđusge ahte márkanfievrridanlávdegoddi, mii lea bargan jo máŋggaid jagiid, dan bargu lea addán bohtosiid. Bohccobiergu johtá eambbo aht’ eambbo jahkásaččat, dadjá Anti.
Borret bohccobierggu dávjjit go ovdal
Eanet aht’ eanet Norgga olbmot ráhkadit borramušaid bohccobierggus. Erenomážit 15-25-jahkásaš nuorat borret bohccobierggu dávjjit go ovdal.
Badjelaš 40 proseantta dáin borret bohccobierggu dávjjit go golbmii jahkái. Dan čájeha guorahallan, man Norske spisefakta lea dahkan.
Nuorat ohcalit buhtes ekologalaš buktagiid
Nuorat ohcalit buhtes ekologalaš buktagiid, main lea alla kvalitehta. Ja danin lea bohccobiergu bivnnut, lohká MatPrat borramušráđđeaddi Ragnhild Kolvereid.
MatPrat borramušráđđehaddi Ragnhild Kolvereid lohká nuoraid liikot geahččaladdat borramuša ráhkadettiin. MatPrat neahttasiiddu badjelaš 3500 borramušrávvagis lea biđus nubbin bivnnuheamos.
Ođđa borramušrávvagat geasuhit nuoraid
Kolvered lohká ahte ođđa borramušrávvagat dego bohccobiergo-wrappa ja -pizza geasuhit nuoraid.
Guldal olles ášši: