NRK Meny
Normal

Boazosámi nieida lea skuterambassadevra

Inga Biret Márjá Triumfas lea bargu mii gallásis ii leat.

Inga Triumf

Inga Biret Márjá Triumf lea ieš govven dahje ožžon earáin veahki govvet dáid govaid maid oainnát dán áššis. Earret dan vuolemusa.

Foto: privat

Inga Triumf
Foto: privat

Mii lea skuterambassadevra?

– Mun galggan govvet sin ovddas ja juohkit gova sosiála mediain, čilgesta Inga.

Ábborášša orohaga boazosámi nieida Inga Biret Márjá Triumf lea ohccán skuterfitnodaga ovddasteaddjin ja sii válljejedje su máŋgga ohcciid searvvis.

Inga på snøskuteren sin
Foto: privat

Leago nu ahte don oaččut nuvttá skutera?

– Dat ii leat nu gal ahte mun oaččun nuvttá skutera, muhto mun oaččun oastit skutera hálbbibut haddái go earát, vástida son.

Dán vahkkus ollii ge su ođđa skuter Guovdageidnui, muhto son ii lean áibbas duhtavaš dainna. Son árvvoštallá bijahit eanet čuvgesrukses ivnni ja bohcco govain vel hervestit dan.

Inga Triumf
Foto: Privat

Ođđaáigásaš sosiála media áigodagas leat máŋggas ja earenoamážit nieiddat geat blogga bokte čállet iešguđetge lágan buktagiid birra maid buvttadeaddjit sáddejit sidjiide.

Leago nu ahte čáppá nieiddain lea álkibut eallin go earáin?

Guldal maid Inga vástida dien gažaldahkii:

Inga Triumf

Inga Biret Márjá Triumf

Foto: Johan Ánte Utsi / NRK