Boazodoalli Karen Marie Eira Buljo Guovdageainnus, lea leamaš njunnožis nu go boazodoalu nissonfierpmádagas, ja lea áŋgirit politihkken boazodoalloáššiid. Son oaidná buoremus čoavddusin boazodollui jos beasašii eret eanadoallodepartemeantta stivrejumis.
Sámediggái ii amas jurdda dát
Sámediggepresideanta Egil Olli ii loga dán amas jurdagin, ja deattuha Sámedikke beaivválaččat bargat boazodoalloáššiiguin.
NBR ii čuovvolivčče dán jurdaga
Okta gii dál ii leat mielas dáid jurdagiidda, lea Norgga Boazosápmelaččaid Riikasearvvi jođiheaddji Nils Henrik Sara. Son gal ain hálida eanadoallodepartementtain riidalit njuolggádusaid alde, dáiguin fitnet boazodoallosuohpamuša, vaikko hárve ožžot áššiide bohtosiid nu go sii dáid dáhtošedje.
Sámit stivrešedje buorebut
Sámedikkis sáhtašedje sámit ieža guorahallagoahtit iežaset áššiid, ja dán guorahallama vuođul álggahit doaimmaid. Sii sáhtašedje álggahit árbevirolaš oahpaheami, ja álgoálbmogat sáhtašedje ieža doaimmahit áššiid veahkkálagaid, lohká Karen Marie Eira Buljo.